Janssen Pharmaceutical Companies of Johnson & Johnsonek, Sareko Katedrekin lankide jardunik, Afektibo-Efektibo Sarien VII. edizioa egin du, eta gure proiektua honi eman dio sariaren akzesita: “Emozioetatik ikasten: AVIFESen Apunteak Bilduma”, “pazienteei eta/edo senideei zuzendutako prestakuntzaren” kategorian, osasunaren arloko pazienteen eta GKEen elkarteek garatua.
AVIFESen aburuz, osasun mentaleko arazoak dituzten pertsonen familientzako arreta funtsezkoa izan da beti, haiek izan baitziren gure elkartea duela 35 urte sortu zuten eragileak.
AVIFESen, senideentzako espazio propioak sortzearen aldeko apustua egiten dugu, gaixotasunaren ezagutza arloan sakontzeko, aurre egiteko estrategiak hobetzeko eta laguntzeko beste senitarteko batzuk aurkitzeko.
2020aren hasieran, 300 senide baino gehiagok parte hartzen zuten familiei laguntzeko programetan, eta gure oinarri soziala 1400 familiara iritsi zen.
Covid pandemiaren testuinguruan, eta bereziki konfinamendu egoeran, familiei laguntzeko eta familien ondoan egoteko formula berritzaileak bilatu genituen: horrela sortu zen «Emozioetatik ikasten».
Bertan egon behar genuen, bertan egon nahi genuen eta gertu sentitu behar gintuzten. Horregatik sortu ziren familiei laguntzeko koaderno hauek, lengoaia eta formatu hurbileko dibulgazio-material gisa sortuak, eta horrek aukera eman zigun familietara zuzenean hurbiltzeko, eguneroko bizitzan bizi zuten errealitatera alegia. Gatazken kudeaketa, dolua, errua, komunikazioa eta emozioak bezalako gaiak jasotzen dira haren orrialdeetan.
Bizikidetza hobetzeko, emozioak eta sentimenduak ezagutzeko, aintzatesteko eta kudeatzeko tresnak, baliabideak, erantzun berriak eta estrategiak eman dizkie.
Eguneroko jardunari aurre egiteko, eta batez ere bide honetan bakarrik ez sentitzeko, AVIFES beti dago zure ondoan!!
Familiek beraiek itzuli digute material horiek beren familia-dinamiketan maila praktikoan eman dietenari buruzko feedbacka, baita osasun mentaleko arazo bat duen pertsonaren eguneroko jardunean inplikatu ez diren inguruko beste senide batzuengana iritsi izanari buruzko feedbacka ere; hala, haien bidez ulertu ahal izan dituzte bizikidetzan gertatzen diren zenbait egoera, baita familia-ingurunetik kanpo aplikatu ere.
Mesanotxeko, poltsikoko eta eguneroko kontsultako koadernoak dira, familia askotara iristeko aukera eman digutenak eta kontsultatzera animatzen zaituztegunak, gure webgunean eskuragarri baitituzue.