BAM-en (Begoñako Andra Mari Irakasleen Unibertsitate Eskola) eta Deustuko Unibertsitatean Avifesek jarritako boluntario kanpainaren stand-a, gure elkartean boluntario gisa parte hartzeko interesa duten unibertsitateko eta Lanbide Heziketako gaztez bete zen.
“Aldatu zure look-a osasun mentalaren alde” lelopean, Avifesen boluntariotza-jarduerak sustatzen ditugu gazteen artean, gizartean osasun mentalaren ikuspegia aldatzen laguntzeko helburuarekin eta osasun mentalaren arloan boluntario esperientzia berri bat bizi dezaten.
Osasun mentala funtsezkoa da egonkortasun psikologikoa lortzeko, eta faktore sozialen eragina du. Alde horretatik, ekintza boluntarioak aukera ematen die bi aldeei (boluntarioei eta erabiltzaileei) osasun mentala hobetzeko esperientziak eta ezagutzak partekatzeko eta, ondorioz, eguneroko alderdietan eragiteko:
- Nola sentitzen garen eta nola jokatzen dugun.
- Nola egiten diogun aurre bizitzari, nola hartzen ditugun erabakiak.
- Nola erlazionatzen garen.
- Estres-egoerei aurre egiteko modua
Ekintza boluntarioa garatzeak egoera ahulean dauden pertsonei laguntzea esan nahi du, eta horrek inplikazio emozionalera garamatza. Horren ondorioz, egoera eta emozio asko nahasten dira, eta horiek modu desberdinean eragingo digute. Haien testigantzak entzuteak eta haien esperientziei arreta jartzeak gauza positibo asko ematen ditu: norberaren gogobetetzea, autoestimua areagotzea, kolektiboko kide izatearen sentimendua, balioetan bizitzea, laguntzen diren pertsonengandik ikastea eta gaitasun berriak aurkitzea.
Gaztea edo irakaslea bazara eta zure ikasleek Avifesen boluntario-ekintzak egin ditzaten nahi baduzu, jar zaitez harremanetan gure elkartearekin.
Osasun mentalaren arloan interesa duten gazteen bila gabiltza, eta, erabiltzaileekin partekatu dezakezun hobbieren bat baduzu, pertsona egokia zara!
Josten, arropa lisatzen eta/edo sukaldatzen al dakizu? Zure euskara ezagutza partekatzea gustatuko al litzaizuke? Musika, literatura, pintura… gustatzen zaizkizu? Egin zaitez boluntario Avifesen!