Egin ezazu dohaintza bat
Nork bere harri-koskorra ekarri dezake
Zuk eginiko dohaintza batek asko lagun diezaguke, oso txikia bada ere.
AVIFESekin lankidetzan aritu nahi baduzu eta gure proiektu eta programak garatzeko aukera izan nahi baduzu, hileko kuota batekin edo unean uneko dohaintza batekin egin dezakezu.
Partikularra, enpresa edo elkarte bat izanda ere, pozik hartuko dugu zure ekarpena, txikia izanda ere. Laguntza guztiak beharrezkoak dira.
Ekarpen hori gaixotasun mentala duten pertsonen eta haien familien bizi kalitatea hobetzeko egiten ditugun programetara bideratuko da oso-osorik.
Bizkaian zergak ordaintzen badituzu, AVIFESi egindako dohaintzak emandako zenbatekoaren % 45eko kenkari fiskalerako eskubidea eman diezazuke.
AVIFES Mezenasgoko Lehentasunezko Jarduera izendatu da Bizkaiko Lurralde Historikoko Hirugarren Sektore Sozialaren eremuan, Irabazi-asmorik gabeko Entitateen Zerga Araubideari eta Mezenasgoaren Zerga Pizgarriei buruzko martxoaren 20ko 4/2019 Foru Arauarekin bat etorriz.
Araudi horren arabera, Bizkaiko PFEZaren zergadunek lehentasunezkotzat aitortutako jarduerei emandako zenbatekoen % 45 ken dezakete, zerga-oinarriaren % 35eko mugarekin.
Oharra: Informazio hau Bizkaiko foru-araudiaren arabera zergak ordaintzen dituzten pertsonei buruzkoa da. Zergak beste lurralde batean ordaintzen badituzu, kenkari aplikagarria desberdina izan daiteke.
Eta Bizkaian zergak ordaintzen ez baditut?
Dohaintzen kenkari fiskala emailearen egoitza fiskalaren araberakoa da.
Lurralde erkidean, Estatuko araubideak % 80ko kenkaria aurreikusten du dohaintzan emandako lehen 250 euroen gainean, % 40koa gainerakoen gainean, eta % 45ekoa gehiegizko 250 euroen gainean, erakunde berari behin eta berriz egindako dohaintzen kasuan.