Gaixotasun mentalak dituen familiakoren bat al duzu?
Bila iezaiezu erantzun bat sortzen zaizkizun galderei eta egin ezazu naturaltasun osoz, ez baitago ezkutatzeko ezer. Bila itzazu pertsonak, beste senide batzuk, AVIFES bezalako beste elkarte batzuk non gaixotasunaz hitz egitea posible den. Zeren eta, hemen ez duzu informazioa soilik topatuko, laguntza eta bakarrik ez zaudetenaren sentsazioa ere izango duzu.
Errua, lotsa, tristura… batzuetan, familien artean agertzen diren emozioak dira, prestakuntza eta informazioa izateak haiek ulertzen, aurre egiten eta haiek egoki erabiltzeko estrategiak eta baliabideak izaten lagunduko digu.
Askotan, gaiotasun mentala estigmatizatzeko joera izaten dugu, errua egotziz eta ezkutatuz, gertatzen zaiguna edo gure inguruan gertatzen dena isilaraziz, baina horrekin gure senidea errudun sentitzea lortuko dugu bakarrik, inondik inora bere errua ez denean.
Ez zaudete bakarrik
AVIFESen bide honetan lagundu nahi zaituegu.
Dokumentazioaren bila zabiltza? Begira gure «Emozioetatik ikasten» bildumari
Lehenengo eragina
Askotan familiakoak izaten zarete zerbait gertatzen dela nabaritzen hasten zaretenak, zuen senideak portaera-, emozio- eta pentsamendu-aldaketak jasaten ditu, baina ez duzue horren zergatia edo gertatzen ari dena ulertzen.
Orokorrean, hasierak, bizitzako beste esparru batzuetan bezala, zailak izaten dira
Nahasmena, ez ulertzea, ospitaleratzea eta medikuengana joatea, baita egoera hein batean ukatzea ere, normala da. Ikusten dugunez, gure semea edo alaba, gure ahizpa edo aita edo bikotekidea inoiz imajinatuko ez genukeen moduan sufritzen edo jokatzen ari da, eta, batez ere, haien bizitza pixkanaka aldatzen ari dela ikusten dugu. Pertsona bera da, baina aldi berean ez.
Une jakin batean ez da arraroa haserrea, gorrotoa, beldurra eta frustrazioa sentitzea, ez izan sentitzeko beldurrik. Baina laguntza, ulermena, lasaitasuna eta oreka funtsezkoak dira.
Gaixotasun mentala duen pertsona bakoitzaren atzean laguntza behar duen familia bat dago
Batez ere zurrunbilo honen aurrean, ezinbestekoa da komunikazioa, informazioa jasotzea, zalantzak argitu ahal izatea eta bakarrik ez sentitzea.
Hurbil gaituzu, egoera horretan lagundu nahi dizugu, informazioa, orientazioak, laguntza emozionala eta askoz gehiago emateko; horretarako gaude AVIFESen. Gainera, prozesu horretatik igaro diren beste familia batzuk ezagutuko dituzu, eta horiek ere lagun diezazukete.
Nola lagundu diezazukegu?
Familientzako Laguntzaren Programaren bitartez egin ahal dugu, eta hala nahi dugu. Gaixotasun mentalaren inguruan ezaguntza gehiago izaten, sintomatologia, diagnostiko,… inguruan erakutsi ahal dizugu. Erantzun eta estrategia berriekin lagun diezazukegu, bizikidetzan, sentimenduak hauteman eta hitzez adierazten eta bide hontan bakarrik senti ez zaitezen lagunduko dizugu, ez zaude eta!
Eta zer eratara egiten dugu?
Taldekako eta banakako topaguneetan laguntza eta informazioa lortuko duzu, etxean gaixotasun mentala duen familiakoarekin bizitzen ari zareten egoeraren arabera.
- Prestakuntza espezializatua eskaintzen dizugu osasun mentalaren arloan, bizikidetzarako eta orientaziorako estrategiak, zure bizi-kalitate propioan eta zure senidearenean hobetzen laguntzeko.
- Beste senide batzuekin elkartzeko eta entzuteko guneak eskaintzen dizkizugu..
- Trebetasun pertsonalak lantzen ditugu familiako bizikidetza hobetzeko.
- Zuretzat eta zure senidearentzat ditugun eskubideei eta baliabideei buruzko informazioa eta orientazioa ematen ditugu.
- Zure familia-ingurunean adingabeak badaude, egoera hori ulertzen lagunduko diegu.
Laguntza eta erantzunak ematea helburu duten talde eta guneak
Familien eskola
Gaixotasun mentalaren diagnostikoa jaso berri du zure senideak, eta ez dakizu nola lagundu? Aspalditik ari zara egoera hori bakardadean jasaten eta tresnak falta zaizkizula sentitzen duzu, askotan ez dakizu nola jokatu? Gustatuko litzaizuke hobeto ulertzea zer bizi den eta zer sentitzen duen zure alaba, anaia, aita edo amak?
Eskola honetan erantzunak aurkituko dituzu.
Iraupena: 2 orduko 8 saio, arratsaldez.
Nork ematen du?: AVIFESeko aditu batek.
Baldintzak: Gaixotasun mentala duen pertsona baten familiakoa izatea.
Ez da beharrezkoa AVIFESeko bazkidea izatea.
Prezioa: Doakoa
Birziklapen eskola
Gaixotasun mentalaren sintomak ezagutzen dituzu, baina oraindik asko duzu ikasteko? Senide gisa, zuretzako espazioa behar duzu sentitzen duzuna adierazteko? Bide hau laguntzarekin egin nahi duzu?
Zatoz Birziklapenera eta hilero osasun mentalarekin zerikusia duten galderei erantzungo diegu, ezagutzak berretsiko ditugu edota elkarrekin gure senideak bizi dituen bizi-zikloen aurrean ditugun erronkei aurre egingo diegu.
Iraupena: Urte guztian zehar.
Nork emango du? AVIFESeko aditu batek.
Baldintzak: Gaixotasun mentala duen pertsona baten familiakoa izatea eta AVIFESeko bazkide izatea.
**Ahalik eta erantzun hurbilena emateko, Bilbon, Ezkerraldean eta Durangaldean aurkituko gaituzu.
Gaixotasun mentala duten pertsonen ama zaintzaileei laguntzeko taldea
Gaixotasun mentala duen pertsona baten ama zara, eta alde batera utzi dituzu zure bizitzako beste alderdi asko? Batzuetan besteak asko zaintzen dituzula sentitzen duzu, eta ez duzula zure buruarengan pentsatzen edo berorri zaintzen?
Talde honetan, entzuteko, laguntzeko, bizipenak partekatzeko eta gozatzeko gune bat eskaintzen dizugu, emakume zaren aldetik, zaintzaile gisa duzun eginkizunetik kanpo, lehenengo zeure burua zaindu behar delako. Zaindu zure senidea, baina ez zaitez zure buruaz ahaztu.
Iraupena: Urte osoan zehar.
Nork ematen du? AVIFESeko aditu batek.
Baldintzak: Gaixotasun mentala duen pertsona baten ama izatea eta AVIFESeko bazkide izatea.
Gaixotasun mentala duten gazteen gurasoen talde terapeutikoa
Nerabezaroa eta gazteria etapa zailak dira, baina, gainera, gaixotasun mentaleko arazo bat sortzen denean, guraso gisa egiten dugun lana zaildu egiten da. Hau zure kasua bada, aita edo ama zaren aldetik galduta sentitzen bazara eta ez badakizu zein den zure semearen edo alabaren portaeraren arrazoia, eta zer egin dezakezun edo nola lagundu diezaiokezun ez badakizu, hauxe da zure taldea.
Talde honetan, gazte eta nerabeen beste guraso batzuekin elkartuko zara, zuk bezala prestatu, elkarri lagundu eta erantzun hobeak aurkitzeko. Gure psikologoak orientazio terapeutiko batekin lagunduko dizu semearekiko edo alabarekiko duzun harremana hobetzen, eguneroko bizitzan zure seme-alabarekin hobeto moldatzeko tresnak eskuratuz.
Iraupena: Urte osoan zehar.
Nork ematen du? AVIFESeko aditu batek.
Baldintzak: Gaixotasun mentala duen pertsona baten gurasoa izatea eta AVIFESeko bazkide izatea.
Banakako psikohezkuntza-saioak
Gaixotasun mentalei buruz gehiago jakin nahi baduzu, eta, bakarka edo familiarekin batera ezjakintasunagatik konplexuak diren eguneroko egoerei aurre egin nahi badiezu edota jokabideei aurre egiteko tekniken berri izan nahi baduzu; AVIFESek banakako edo zure familia taldearentzako espazio hau eskaintzen dizu.
Iraupena: Saioen iraupena eta intentsitatea banaka baloratuko dira.
Nork ematen du? AVIFESeko psikologak.
Baldintzak: Osasun mentaleko arazoak dituen pertsona baten senidea izatea eta AVIFESen bazkidea izatea.
Eta gainera:
- Urtean zehar zure intereseko gaiei buruzko hainbat tailer antolatzen ditugu, senide gisa kezkatzen zaituzten gaiak jorratzeko.
- Familia batek zuzendutako autolaguntzako talde bat dugu.
- Laguntza psikologikoa eskaintzen dugu, esku hartzeko gune terapeutikoen bidez.
Hau ere interesatu ahal zaizu:
“Emozioetatik ikasten” bilduma
Nire esperientzia lehen pertsonan
Jar zaitez harremanetan gurekin
Zer egin behar duzu?
Ez izan zalantzarik, deitu iezaguzu 944456256 telefono zenbakira edo bidal iezaguzu e-mail bat [email protected] helbidera, edo harremanetarako formulario hau bete dezakezu, eta dituzun zalantzak argituko dizkizugu.
