Aurreraka,
Gertatzen zaizun hori zuri bakarrik gertatzen zaizula uste al duzu? Norbaitekin kezkatzen zaituzten gauzez hitz egiteko beharra duzu? Zure emozioak, pentsamenduak, uneak… beste pertsona batzuekin partekatu nahi dituzu? Ekarpenik egin nahi al duzu?
Horren eta eroso sentitzeko erreferentzia-espazio baten bila bazabiltza… Orduan, zeren zain zaude Aurrerakara etortzeko? Elkarri laguntzeko taldean zu bezain harrigarriak diren pertsonak ezagutuko dituzu. Horiek ere gauza asko dituzte ezagutzeko, parte hartzeko, mobilizatzeko eta esateko!
Erreferentziadun espazio bat
Ekintzak
Formared
Ingelesa ikasteko asmoa duzu? Gustuko duzu janaria prestatzea, baina ez dakizu nola egin? Ez al dakizu josten? Lan munduaz gehiago jakitea gustatuko litzaizuke baina ez dakizu nora jo dezakezun informazio bila? Zure mugikorraren erabilera berriak ezagutu nahi al dituzu? Avifesen, INFORMAZIOA eta FORMAKUNTZA boterea direla uste dugu. Zenbat eta gehiago jakin, orduan eta prestatuago gaude iritzia emateko, erabakiak hartzeko edo benetan pozten agituen hori aurkitzeko. Formareden ikastaro eta tailer ugarip eskaintzen dizkizugu, interesatzen zaizkizun gaietan sakondu eta gehien atsegin dituzunak aukeratu ditzazun.
“Gure topaketa” taldea
Elkarri laguntzeko taldean zu bezalako pertsona harrigarriak ezagutu ahal izango dituzu, ezagutzeko, parte hartzeko, bakarrik ez sentitzeko, ikasteko, mobilizatzeko eta esateko gauza askorekin. Astero, gure Txoko Kalamuan, hitz egiten, iritzia ematen, une txarren batean gaudenean elkarri laguntzen ; jarduera berriak antolatzen eta horietan parte hartzen dugu, guri eragiten diguten eta gure eskubideak urratzen dituzten gaiei buruz informatu eta aldarrikatzen dugu…
Ez ezazu egoera hau bakarrik bizi, zure kideekin egunerokotasunean gainditzen dituzun erronka eta zailtasunak eta beste hainbat gauza partekatu ditzakezu. ZURE ZAIN GAUDE!!!!
Kulturarte
Arteak eta kulturak amesten uzten digute, adierazpide berriak esploratzen, irudimenarekin eta sormenarekin egin dezakeguna miresten. Irakurketa, antzerkia, musika, pintura… atsegin badituzu, artista handien, margolari berrien edo arkitekturaren lanak ikustea gustuko baduzu, KulturArten bilatzen ari zarena aurkituko duzu. Arteaz eta kulturaz goza dezazun lagunduko dizugu. Ikastaroak eta tailerrak eskaintzen dizkizugu, eta beste jarduera interesgarri batzuk bilatzen lagunduko dizugu. Eta horrez gain, dituzun zaletasun zirraragarri horiek partekatzeko beste pertsona batzuekin harremanetan jarriko zaitugu.
Elkarrekin hazten
Nire esperientzia lehen pertsonan
Anaia baten bidez AVIFES ezagutu nuen, AURRERAKA zehatzagoa izateko. Berak liburuxka bat utzi zuen mahai gainean interesatu ahal zidala pentsatuz eta nik ia ia ez nuen irakurri, izan ere ondorengoa pentsatu nuen: “Bueno beste gauza bat gehiago. 39 urte alde batetik bestera ibili ostean, era guztietako terapietara joan, profesional desberdinenean izan ondoren, zer berri eskaini diezadake honek?”
Itsuskeria bat ez egitearren ordea, telefonoa hartu eta deitu egin nuen eta momentu horretantxe imajinaezina zen aukera berri bat ireki zitzaidan. Izan ere, bertan entzuteko prest eta nire potentzial guztia aterako zuten pertsonak ezagutu nituen. Denborak aurrera egin ahala, ireki egin naiz, eta pertsonak, pertsona zoragarriak ezagutu ditut, bakoitzak bere erara, bere adinaren eta egoera pertsonalaren arabera, maitasuna eta enpatia transmititzen dute, eta horrek egunero harritzen nau.
Orain proiektu honetan nago, ez dut nire bidea amaitu baina hainbeste zor diet haiei…
MILA ESKER AURRERAKAKO KIDEEI!
ESKERRIK ASKO AVIFES!
14 urte daramatzat gaixotasunarekin eta denbora horren zati handi bat etxean eman dut, irtetzeko eta ezer egiteko gogo handirik gabe. Baina egun batean, nire familiari esker, AVIFES ezagutu nuen.
Haiek hainbat jarduera egiten lagundu zidaten, beste pertsona batzuekin harremanak izaten eta gaixotasun mentalaren estigmak hausten, oraindik ere gizartearen zati batek baztertzen gaituelako eta AVIFESek horren kontra borrokatzen duelako.
Horregatik, eskerrak eman nahi dizkiet AVIFESi eta osasun mentaleko profesionalei.
Kontaktua
Zer egin behar duzu apuntatzeko?
Lehenik eta behin, nahi egin behar da, baina badirudi nahi duzula!
Ez izan zalantzarik deitu iezaguzu 944456256 telefono zenbakira edo bidal iezaguzu korreo elektroniko bat [email protected]ra, edo ondorengo formularioaren bidez. Guztiaren berri izango duzu.
Orientazio gisa, hauek dira sartzeko baldintzetako batzuk:
- 30 urte baino gehiago izatea.
- Gaixotasun mentalaren diagnostikoa izatea, ez du axola zein den, hemen gaude laguntzeko.
- Avifeseko bazkidea izatea.
Gure AVIFES erakundeko bazkide izateak urtean 54 € besterik ez du balio, eta beste hainbat jarduera egin ahal izango dituzu.
