Bilduma berri bat argitaratu dugu Avifes-en argitalpenen barruan, “GERTU-Laguntzen” bilduma. Horren bidez, ezagutza eta informazioa emango duten material erabilgarriak sortu nahi dira, osasun mentaleko arazoak dituzten pertsonak eta haien familiak erabaki arduratsuak hartzeko orientatuko dituztenak, haien eskubideak eta alternatibak ezagutuz.
Dagoeneko argitaratu da lehen koadernoa: “Tutoretzatik laguntza eredura gaitasun juridikoa erabiliz”. Ondoan Fundazioaren laguntza izan du. Koaderno hau bazkide guztiei bidali zaie, eta gure webgunean ere eskuragarri dago, «Argitalpenak» atalean.
Laster, bildumaren hurrengo koadernoa argitaratuko da, “Etorkizuna planifikatzen” izenburupean.