Eraldatzen duen boluntariotza korporatiboa: AVIFES eta CaixaBank-ek bat egiten dute osasun mentalaren alde

Jardunaldi horiek CaixaBanken “Hilabete Soziala”ren ekimenaren barruan kokatzen dira. Ekimen horrek maiatzero ehunka langile mobilizatzen ditu herrialde osoan ekintza solidarioak bultzatzeko. Hirugarren urtez jarraian, CaixaBankek AVIFESekin lankidetzan aritzea aukeratu du, eta elkarrekin elkarguneak sortu ditugu profesionalen, osasun mentaleko arazoak dituzten pertsonen eta boluntario korporatiboen artean.

Diseinatutako jarduerek hausnarketarako, parte-hartze aktiborako eta konexiorako gonbita egin zuten. Zinema hari gidari, eta osasun mentala gai nagusia izanik, estigmei, aurreiritziei eta etiketei aurre egiten diegu dinamika ludiko eta parte-hartzaileen bidez. “Pac-Man” tailerrean, adibidez, gaixotasun mental baten diagnostikoarekin sortzen diren oztopoei modu sinbolikoan heltzen diegu, talde-lana eta enpatia sustatuz. Bestalde, “Marraztu konektatzeko” tailerrak, artearen hizkuntza unibertsalerako atea ireki zigun, sormena adierazpen emozionalerako eta berdinen arteko loturarako bide bihur zedin ahalbidetuz.

Boluntariotza korporatiboko jardunaldi horiek une partekatuak eta ikaskuntza baliotsuak sortzeaz gain, kausa sozialekiko enpresa-konpromisoaren botere eraldatzailea erakusten dute. Parte-hartzaileentzat, oztopoak kentzeko eta gizartearen parte aktibo sentitzeko aukera bat dira. CaixaBanketzat, erantzukizun sozialeko balioak indartzea, taldea motibatzea eta benetako eragin positiboa sortzea dakar.

AVIFESetik, eskerrak eman nahi dizkiogu CaixaBankeko taldeari bere inplikazioagatik, energiagatik eta sentsibilitateagatik. Eskerrik asko, aurten ere, boluntariotza korporatiboaren alde egiteagatik, aldaketarako eragile gisa. Mila esker.