Rural Kutxaren Gainditu sariak, Bizkaiko gizarte justuago eta kohesionatuago baten alde lan egiten duten gizarte erakundeen lana aitortzen dute. Erakundeei laguntzeko, haien lana ikusarazteko eta erakundeak kudeaketan eraginkortasuna eta ahalik eta kalitate handiena bilatzera motibatzeko tresna izan nahi dute.
Rural Kutxatik Carmen Gandarias Fundazioaren laguntza izan dute, erakunde bideratzaile gisa, III. Gainditu Sarien irabazleak hautatzeko, lau kategoriatan: Haurrak eta gazteak, Adinekoak, Gaixoak eta ezinduak eta Gizarte-bazterkeria jasateko arriskuan dauden pertsonak.
“Bizitza- Escuela de vida independiente” ekimen berritzailea izan da, eta Carmen Gandarias Fundazioaren laguntza izan du hasieratik. Martxan zegoen, “Etxebest Bizitza Independienteari Laguntzeko Zerbitzua” osatu du, bakarrik bizi diren eta gaixotasun mentala duten pertsonei zuzendua.
“Bizitza” osasun mentaleko arazoak dituzten pertsonen zerbitzura dagoen tresna da, eta aukera ematen die hainbat arlorekin lotutako ezagutzak eta gaitasunak eskuratzeko, hala nola etxeko lanen kudeaketarekin, antolaketa pertsonalarekin, osasunaren kudeaketarekin, zerbitzu komunitarioen erabilerarekin, etxeko ekonomiarekin, gatazken ebazpenarekin, aisialdiaz gozatzearekin, etorkizuneko plangintzarekin, besteak beste.
Eskerrik asko osasun mentaleko arazoak dituzten pertsonen bizitza independentearen aldeko apustua egiten jarraitzera bultzatzen gaituen esker onagatik!