AVIFESek osasun mentalari buruz hitz egin du lehen pertsonan Radio Bilbaoko mikrofonoetan

Joan den astean, AVIFESek osasun mentaleko bere lana Radio Bilbao – Cadena SER irrati-kateko entzuleei hurbiltzeko aukera izan zuen, osasun mentaleko arazo batekin bizi direnen ahotsa eta esperientzia balioetsi zituen elkarrizketa batean.

Graciela Rodríguez AVIFESeko profesionalak eta Erlantz Urien elkarteko kide eta kirolzaleak, SER Deportivos Bilbao programan parte hartu zuten, jarduera fisikoak eguneroko bizitzan ongizatea, egonkortasuna eta motibazioa nola ekar ditzakeen azaltzeko.

Elkarrizketan zehar, Erlantzek bere bizipena partekatu zuen lehen pertsonan: “Kirola egiten duzun bitartean ez zara beste ezertan pentsatzen ari. Oso kontzentratuta zaude egiten duzun horretan. Eta hori, buruko gaixotasun bat duen norbaitentzat, oso ona da “, azaldu zuen. Bere testigantzak argi utzi zuen kirola denbora-pasa baino askoz gehiago izan daitekeela, hobeto sentitzeko, besteekin konektatzeko eta gaitasun berriak aurkitzeko bide bihur daitekeela.

AVIFESetik, Graciela Rodriguezek jarduera fisikoen balioa nabarmendu zuen, osasun emozionala zaintzeko, autoestimua indartzeko eta beste pertsona batzuekin gozatzeko tresna gisa. Besteak beste, futbol-txapelketak, mendi-ibiliak eta “Las Karolas” ekimenak lagungarriak dira “harreman sozialak, konfiantza eta segurtasuna berreskuratzeko”.

Eskerrik asko Radio Bilbaori bere mikrofonoak irekitzeagatik eta hesiak botatzen laguntzeagatik eta osasun mentala zaintzearen garrantzia ikusarazten jarraitzeagatik. Izan ere, osasun mentalaz hitz egitea eta lehen pertsonan egin ahal izatea ezinbesteko urratsa da begiradak aldatzeko.